نئی دہلی 17مئی(ایس او نیوز/آئی این ایس انڈیا)وزیر اعظم نریندر مودی نومبر میں لکش دیپ کے دورے پر جائیں گے. بی جے پی صدر امت شاہ نے یہ معلومات دی جو اس وقت لکش دیپ کی تین روزہ دورے پر آئے ہوئے ہیں۔انہوں نے کہا کہ  مرکز کی اسمارٹ سٹی منصوبہ بندی میں شامل کیا جائے گا اور لکش دیپ کے رہائشی جزائر میں بنیادی ڈھانچہ کی ترقی پر زور دیاجائے گا۔بی جے پی کے سربراہ نے کہا کہ دو سال کے اندر اندر تمام 10رہائشی جزائر پینے کے پانی فراہم کرنے کے لئے اقدامات کئے جائیں گے جن میں اگاتتی، امنی، ادروتھ، بترا، کدامتھ، کالپینی، کاراوتتی، کلتان، منکای اور چیتلات شامل ہیں۔شاہ نے گزشتہ رات یہاں ایک جلسہ عام میں کہاکہ وزیر اعظم نومبر کے آخر میں کاراوتتی جزائر کے دورے پر آئیں گے اور وہ مکمل دن یہاں رہیں گے۔بی جے پی صدر نے کہا کہ وہ دہلی واپس لوٹنے کے بعد لکش دیپ کے 10جزائر کے لئے ایک منصوبہ تیار کریں گے اور یہاں مزید کارگو جہاز، کولڈ اسٹوریج اور 4جی کنیکٹوٹی جیسی سہولیات مہیا کرائی جائیں گی۔انہوں نے یہاں بی جے پی لکش دیپ ریاست کمیٹی کے ارکان کے ساتھ بھی بات چیت کی۔شاہ نے کل ایک ٹویٹ میں کہا تھاکہ تین روزہ بوتھ گالا کے لئے لکش دیپ پہنچ گیاہوں۔